ភ្នំពេញ៖ ក្រសួងសុខាភិបាល បានចេញមុខច្រានចោលទាំងស្រុងចំពោះគណនីហ្វេសប៊ុកគ្រុប (Group) មួយដែលមានឈ្មោះថា ក្រសួងសុខាភិបាល និងបានបញ្ជាក់ថា Group នោះមិនមែនជា Group ផ្លូវការរបស់ក្រសួងសុខាភិបាលឡើយ។
ទន្ទឹមនឹងនេះ ក្រសួងក៏បានបញ្ជាក់ថា ការបង្កើតហ្វេសប៊ុកក្នុងគោលបំណងឱ្យមានការភ័ន្តច្រឡំបែបនេះ ក្រសួងសូមឱ្យម្ចាស់គ្រុបនេះលុបចេញវិញជាបន្ទាន់ និងសូមឱ្យអាជ្ញាធរមានសមត្ថកិច្ចជួយចាត់ការតាមផ្លូវច្បាប់ជាធរមានលើការក្លែងបន្លំផេកផ្លួវការរបស់ក្រសួងសុខាភិបាលបែបនេះផង។
គួរបញ្ជាក់ថា Group ហ្វេសប៊ុកដែលដាក់ឈ្មោះថា ក្រសួងសុខាភិបាលនេះ មានសមាជិកចំនួនជាង ៨៦,០០០នាក់ ភាគច្រើនឃើញមានការចែករំលែកព័ត៌មានសំខាន់ៗរបស់ក្រសួងសុខាភិបាល។
